Aquí están os premiados das rifas!!!

Apareceron os premiados da 1ª e 2ª cesta.

As rifas foron vendidas por Noel de 6º e Diego de 5º.

 Nas fotos están as familias recollendo as cestas.

E por fin, a gran festa!!!

Aquí vos deixamos os vídeos da Festa do Noso Entroido. Ainda que choveu, pasámolo moi ben! 

Traballos de 2º curso

Os alumnos e alumnas de 2º curso fixeron uns traballos sobre o Entroido, podemos velos na seguinte presentación:

Estamos a preparar a festa de disfraces.

Na mañá do venres, 28 de febreiro, a partir das 11:30 horas, celebraremos a nosa particular "Festa de disfraces do Entroido". (Este ano xirarán en torno ao Antigo Exipto)

 Este é o programa:

• Merendola con larpeiradas antroideiras e chocolate, para poñer bon corpo!
• Desfile polas rúas do Chao, se vai bo tempo; se chove farémolo no Pavillón do colexio "Enrique Basanta".
• Ao regresar, no patio do colexio, cantaremos as cancións que estivemos preparando esta semana:
• Canción do Entroido.
• A maxia do Carnaval.
• As momias de colores
• Drilo, o crocodrilo.
•  A continuación, pasarémolo moi ben facendo o "Baile da escoba".
• Tamén teremos tempo para xogar e disfrutar dos nosos disfraces.

Premios das cestas de entroido

Para ver os números premiados podemos entrar na páxina da ONCE.

 Clica na imaxe

O agraciado ou agraciada que teña a papeleta co número coincidente coas catro últimas cifras

1ª cesta, martes 25 febreiro     0267
2ª cesta, mércores 26 febreiro   6707
3ª cesta, xoves 27 febreiro         0862

Os agraciados poden pasar polo colexio a recoller as cestas.   NORABOA!!!

Caroutas e antifaces de 5º de Infantil

Nas aulas de Infantil están elaborando moitos traballos relacionados co Entroido.

Ollade que ben traballaron os nenos e nenas de 5º de Infantil

O Meco manda!!!

Xa estamos na Semana do Entroido no colexio e coma todas os anos o MECO MANDA...

Exposición das Cestas

Estas son as cestas que se van sortear para recadar fondos para as excursións.
Os alumnos e alumnas de 5º e 6º curso traballaron moito e así podemos ver o resultado.

Preparativos para a gran festa de Entroido

Este ano o entroido celébrase os días 3, 4 e 5 de marzo. No colexio imos celebralo o venres anterior, 28 de febreiro, en horario escolar. Faremos un pequeno desfile polas rúas do Chao e para elo os nenos e nenos virán disfrazados atendendo ao tema do Proxecto deste curso "O ANTIGO EXIPTO".
Este curso non imos seguir temática por cursos senón que cada neno ou nena virá disfrazado/a libremente seguindo o tema EXIPTO.

Ademáis faremos unha chocolatada que acompañaremos cunha degustación de larpeiradas de entroido (filloas, orellas, rosquiñas...) que cada neno/a traerá da súa casa.

Tamén levaremos a cabo a actividade:  O MECO manda...

Queremos comunicarvos tamén que, este ano para recaudar fondos para as excursións, faremos rifas que venderán os alumnos e alumnas do 3º ciclo, para sortear 3 grandes cestas entroideiras. Os premios coincidirán coas últimas catro cifras dos sorteos da ONCE: 1º premio (sorteo do 25 de febreiro do 2013), 2º premio (sorteo do día 26 de febreiro) e 3º premio (sorteo do día 27 de febreiro).

Cancións para o Entroido

Xa estamos a preparar as cancións e bailes para cantar no Entroido, podemos seguilas e aprendelas a través desta páxina

Clica na imaxe